DÍA DE ROSALÍA

 

DÍA DA PAZ

Diversas formas de cultivar a PAZ.

CALENDARIO 2025

 

ALMANAQUE

ACHÉGASE O NADAL

25N

 O 25 de novembro conmemoramos no centro o Día  da Non violencia de xénero aportando cada aula a nosa palabra positiva e rexeitando e rachando a negativa.

 Con todo o positivo fixemos o seguinte mural.

MAGOSTO E DÍA DO TROMPO

 O pasado venres 15 de novembro celebramos o Magosto no centro. Participou toda a comunidade educativa na degustación das castañas asadas  e disfrutamos dos xogos populares como todos os anos.

Pasámolo xenial!!!

MAGOSTO 2024

SAMAÍN 2024

Pasamos un fantástico e terrorífico día de Samaín. Houbo cabazas, disfraces, túnel do terror, familias valentes dispostas a pasar medo, diplomas, pemios aos relatos de medo...

Aquí podedes ver un vídeo con algúns momentos.

relatos de samaín de Almudena

DON CUCO

E como manda a tradición, aquí vos deixamos unha nova edición da revista Don Cuco.

Cantas aventuras pasamos ao longo do curso!!!

LETRAS GALEGAS

 O 16 de maio celebramos o Día das Letras Galegas cunha actividade que resultou ser moi motivadora para todo o alumnado. Este ano a homenaxeada foi Luisa Villalta.

Dita actividade consistíu en descubrir mediante a lectura de códigos QR a biografía de Luísa Villalta. Establecéronse dous roteiros: amarelo para a vida e azul para a obra. O alumnado, dividido en equipos, debía seguir o roteiro correspondente e, unha vez lido o código, tiñan que apuntar a información nun caderno. Unha vez recollida toda a información cada equipo elexíu a un portavoz para facer unha pequena posta en común.

Roteiro amarelo: vida de Luísa Villalta

Roteiro azul: obra de Luísa Villalta

Posta en común da información atopada

Tamén realizamos, como todos os anos,  a actividade "Palabras a esgalla", onde o alumnado tiña que plasmar nunha cartolina A5 unha palabra que expresase un sentimento ou unha emoción relacionada co mar.

MAIOS 2024

O 29 de abril celebramos o Día dos Maios. Con todos os elementos facilitados polas familias (fiuncho, flores, ovos, froitas...) decoramos un maio que quedou fermosísimo. 

A continuación o alumnado de 6º interpretou as coplas que eles mesmos compuxeron. 

Para rematar, coincidindo co Día Internacional da Danza, o alumnado de 5º e 6º interpretou un Circassian Circle (danza irlandesa) e, todo o alumnado do centro xunto co profesorado, un baile elaborado coa peza "Claudiña" do grupo Sete Netos.

No seguinte vídeo podedes ver algúns momentos vividos nesta xornada.

8 M

O 8 de marzo, como ben sabedes, celebramos o Día Internacional da Muller.

No noso recanto da biblioteca tedes libros que vos recordarán que se pode voar alto, que somos especiais, que podemos chegar a onde pretendamos, que non teñades medo por xogar a unhas ou outras cousas cando é o que desexades.

Tamén temos outros libros que nos contan a historia real de mulleres da nosa contorna, outras de preto e outras de lonxe que teñen algo en común: alí onde estaban, loitaron polo que creron correcto, por cambiar a realidade do momento e que, en moitos casos, conseguiron que o noso presente fose distinto. En definitiva, erguéronse ante as dificultades! O noso recordo e homenaxe para todas elas.

Seguro que tedes mulleres especiais da vosa familia, contorna... que vos veñen á cabeza.

En cada aula traballouse desde diferentes enfoques adaptando a temática á idade do alumnado. Froito desas reflexións, creáronse uns murais fermosísimos agora expostos na sala multitusos do noso cole.

DÍA DE ROSALÍA

O 23 de febreiro homenaxeamos a Rosalía de Castro cunha actividade na que os padriños/madriñas lingüísticos (alumnado de 5º e 6º) recitaron poemas da autora aos seus afillados/as.

 

Ver esta publicación en Instagram

Una publicación compartida de CEIP Plurilingüe San Bartolomé (@ceipplurilinguesanbartolome)

ENTROIDO

O venres 9 de febreiro celebramos o Entroido no noso centro cun desfile, un concurso de disfraces e unha degustación de postres típicos destas datas.

Moitas grazas a toda a comunidade educativa pola vosa colaboración e participación!!

Realizado polo ENDL.

DÍA DA PAZ

A través deste mural reflexionamos sobre a PAZ. 

E ti que ves?😉

Realizado polo ENDL

ALMANAQUE 2024

Comeza un novo ano cargado de ilusións e aquí vos deixamos o noso calendario 2024.

Almanaque 24 realizado polo ENDL

POSTAIS DE NADAL

Graciñas por participar na exposición de postais de Nadal con grandes desexos para o 2024.

Realizado polo ENDL

MAGOSTO E DÍA DO TROMPO

Aquí deixamos unha pequena mostra do moito que disfrutamos da celebración do Magosto.

MAGOSTO. Realizado polo ENDL

CONTOS DE SAMAÍN

Aquí vos deixamos os relatos máis terroríficos, moitas grazas por participar e parabéns aos gañadores/as.

CONTOS DE MEDO. Realizado polo ENDL

SAÍDA FIN DE CURSO

Os nenos/as de infantil, primeiro e segundo desfrutamos dunha estupenda xornada lúdica. Aquí podedes ver unha mostra desta gran viaxe.

FIN DE CURSO de Almudena

REVISTA DON CUCO

 Xa temos dispoñible a nosa revista escolar. Cantas aventuras!!!

MAIOS 2023

 Compartimos algúns dos momentos da celebración dos MAIOS 2023.

RECITAL POÉTICO "ROSALÍA SEMPRE VIVA"

 Recordamos a Rosalía de Castro recitando algúns dos seus versos.

ENTROIDO

E que mellor xeito de festexar o Entroido, que mergullándonos na ría!!!

SEMÁFORO DA PAZ

Co gallo do día da PAZ traballamos a resolución de conflictos, identificando coa axuda deste semáforo as condutas que provocan malestar e aquelas que son agradables.

CALENDARIO 2023

 Xa temos preparado o novo almanaque, que nesta ocasión, ten como temática pobos mariñeiros da ría de Arousa.

calendario de Almudena

BO NADAL

Para fomentar a tradición, organizamos unha exposición de postais de Nadal cun desexo para o novo ano. O resultado non podía ser mellor, graciñas pola vosa participación.

MAGOSTO E DÍA DO TROMPO

Coa chegada do outono, celebramos o Magosto e o Día do trompo acompañados das familias. Unha estupenda xornada!

Magosto de Almudena

RELATOS DE MEDO

Con motivo do Samaín, organizamos un concurso de relatos de medo. Grazas pola vosa participación e parabéns para os gañadores. 

CONCURSO RELATOS DE MEDO SAMAÍ 2022 de Almudena

DON CUCO XA CHEGOU

 Como cada curso, queremos agasallarvos coa publicación da revista escolar "DON CUCO". 

Preme na imaxe para acceder.

LETRAS GALEGAS 2022

Este ano homenaxeamos a Florencio Delgado organizando un recital poético. Aquí podedes escoitar algúns dos seus versos.